എന്റെ ആത്മം
ദാനം:- ഏറ്റവും ശ്രേഷ്ഠമായ ദാനം വിദ്യാദാനം ആണ്.അത് ധ്യാ നാത്മകമായി നല്കുന്നവന് ആണ് യഥാര്ത്ഥ ഗുരു.ഗുരു നല്കുന്ന ദാനം യഥാവിധി ആഹരിക്കുന്നവന് ആണ് യഥാര്ത്ഥ ശിഷ്യന്.അവന് സത്കര്മ്മങ്ങളിലൂടെ ഗുരുവിനു സ്വജീവിതം ദക്ഷിണയായി നല്കുന്നു.
Posts
എന്റെ ആത്മം
സഞ്ചാരം:- നമുക്ക് രണ്ടു വിധത്തില് സഞ്ചരിക്കാം .ഒന്ന് കാലത്തിനു മുന്നിലേക്കും രണ്ടാമതായി കാലത്തിനു പിറകിലെക്കും.ആദ്യ മാര്ഗത്തിലൂടെ സഞ്ചരിച്ചവര് കാലത്തെ അതി ജീവിച്ചു മഹത്തുക്കളായി വാഴ്ത്തപ്പെടുന്നു.രണ്ടാമത്തെ മാര്ഗ്ഗത്തിലൂടെ സഞ്ചരിക്കുന്നവര് വിസ്മൃതിയിലേക്കും.നിര്ഭാഗ്യവശാല് നാം പലരും രണ്ടാമത്തെ മാര്ഗ്ഗത്തിലൂടെ ആണ് സഞ്ചരിച്ചുകൊണ്ടിരിക്കുന്നത്.
എന്റെ ആത്മം
പ്രശസ്തി:-പ്രശസ്തി രണ്ടു വിധത്തിലുണ്ട്.ഒന്ന് നേരായ മാര്ഗ്ഗത്തിലൂടെ നേടുന്നതും രണ്ടാമത്തേത് വളഞ്ഞ വഴിയിലൂടെ നേടുന്നതും.പെട്ടെന്നുള്ള തിളക്കം ആഗ്രഹിക്കുന്നവര് രണ്ടാമത്തെ മാര്ഗ്ഗം സ്വീകരിക്കുന്നു.അല്ലാത്തവര് കഠിനാധ്വാനത്തിലൂടെ അത് നേടിയെടുക്കുന്നു.അവര് കാലത്തെ അതിജീവിക്കുന്നു.
എന്റെ ആത്മം
എന്റെ പരാജയം:- ഏതെങ്കിലും ഒരു കാര്യം മുന്നില് പെട്ടാല് അതവഗണിച്ചു പോകുവാന് കഴിയുന്നില്ല എന്നതാണ് എന്റെ പരാജയം.
എന്റെ ആത്മം
ആയുധം:-നേരിട്ട പരാജയങ്ങളും തിരിച്ചടികളും ആയിരിക്കണം പുതിയ പ്രതിസന്ധികളെ നേരിടാന് നമുക്കുള്ള ആയുധം.
എന്റെ ആത്മം
നമ്മുടെ കടമ :-അനുകൂലമായ പരിതസ്ഥിതികളില് വളരുന്ന വിളകള് കരുത്തുള്ളവ ആയിരിക്കും.അത് കാലപ്രവാഹത്തില് നശിച്ചു പോകുന്നില്ല.അമിതമായ പരിലാളനകള് നല്കി അവയുടെ വളര്ച്ചക്ക് വിഘാതം സൃഷ്ടിക്കാതിരിക്കുക എന്നതാണ് നമ്മുടെ കടമയും കര്ത്തവ്യവും
എന്റെ ആത്മം
വ്രതം:-ശാരീരികവും മാനസികവുമായ ശുദ്ധീകരണത്തിലൂടെ സത്കര്മ്മങ്ങള് ചെയ്യുവാനുള്ള ഉപാധിയാകണം വ്രതം.ചെയ്തുപോയ പാപങ്ങള്ക്കുള്ള കുമ്പസാരം കൂടിയാണത് ഇനി ചെയ്യുവാന് പോകുന്ന പാപങ്ങള്ക്കുള്ള മുന്കൂര് ജാമ്യമല്ല..
എന്റെ ആത്മം
മാറ്റ്:-ഏതൊരു വിജയത്തിന്റെയും തിളക്കം അത് നേടുന്ന വഴികളെ ആശ്രയിച്ചിരിക്കുന്നു.കഠിനപ്രയത്നത്തിലൂടെ നേടുന്ന വിജയത്തിന് മൂല്യമേറുന്നത് അത് കൊണ്ടാണ്.അല്ലാത്തവ ഭാവിയില് ചോദ്യം ചെയ്യപ്പെടുന്നു.
എന്റെ ആത്മം
ദിശാ സൂചികകള് :-ദിശാസൂചികകള് ചിലപ്പോള് അവ്യക്തമായിരിക്കാം.ചിലപ്പോള് കാലപ്പഴക്കത്താല് അത് മാഞ്ഞു പോയതാകാം അല്ലെങ്കില് ഏതെങ്കിലും വിരുതന് അത് മായ്ച്ചതാകാം അതുമല്ലെങ്കില് പൊടികള് നിറഞ്ഞു കാഴ്ച്ചയെ മറക്കുന്നതുമാകാം..ഏതായാലും ഒരു അടയാളം കാണും...പ്രതീക്ഷയുടെ ഒരു അടയാളം...നാം ആദ്യം തിരയേണ്ടത് അതാണ് കണ്ടെത്തുമ്പോള് മാര്ഗ്ഗവും തെളിയും
ദാഹനീര്
ഉച്ചിയിലുരുകി തിളയ്ക്കുന്ന സൂര്യന്റെ - യുലയില് പ്രാണന് വെടിഞ്ഞൊരു നാരായണക്കിളിതന് ജഡം താണ്ടി ഞാന് നീങ്ങവേ മനസ്സില് തെളിഞ്ഞു പോയ്...പണ്ടൊരു - കിരാതബാണമേറ്റു പിടഞ്ഞൊരു പക്ഷിതന്നിണയുടെ രോദനം. പിന്നിട്ട പഥങ്ങളില് വിരഹത്തിന് ജ്വാലകള് രാക്ഷസത്തിരമാലകള് പോല് വിഴുങ്ങാനടുക്കവേ.. മരുഭൂമിതന് ചുട്ടുപൊള്ളുമീ മനല്ത്തരികളിലൊന്നായ് ഞാന് മാറീടവേ... തീക്കാറ്റുകളാര്ത്തിയോടെന്നെ പുണര്ന്നീടവേ ദാഹജലത്തിനായര്ത്ഥിച്ച മുനിയുടെ മുന്നിലായ് ജീവജലം പകര്ന്നോരാ തരുണിയായ് നീ മാറുന്നു.. കൈക്കുമ്പിള് നീട്ടി ഞാനിതാ നില്ക്കുന്നു പകര്ന്നീടുക ..നിന് ഹൃദയമാം പാളയില് - നിന്നൊരു തുള്ളി ജീവാമൃതം...നിന് പ്രണയാമൃതം എന്നുള്താപം ശമിച്ചീടുവാന്...
എന്റെ ആത്മം
പിറവി :-ചില വിത്തുകള് പോലെ ആണ് നമ്മുടെ ഉള്ളിലെ കഴിവുകള് .ചിലപ്പോള് അത് കാലങ്ങളോളം സുഷുപ്തിയില് ആയിരിക്കും.അനുകൂല സാഹചര്യങ്ങള് വരുമ്പോള് അത് പൊട്ടി മുളക്കുകയും ചെയ്യും
മുദ്രകള്
സ്നേഹത്തിന്റെ മുദ്രകള് ചാര്ത്തപ്പെടുന്നത് എവിടെയാണ്? ഭാഷയുടെയോ ദേശത്തിന്റെയോ കാലത്തിന്റെയോ നിറങ്ങളുടെയോ മതങ്ങളുടെയോ ജാതികളുടെയോ കുലത്തിന്റെയോ ലിംഗത്തിന്റെയോ അതിര്വരമ്പുകള് തീര്ത്തു നാമെന്തിനാണ് ഈ മുദ്രകള് മായ്ച്ചു കളയുന്നത്?..സ്നേഹത്തിന്റെ ധവളിമയില് രക്തച്ചാലുകള് തീര്ക്കുവാന് മനുഷ്യനെ പഠിപ്പിച്ചതാരാണ്?..പ്രപഞ്ചസ്രഷ്ടാവ് ഒന്ന് മാത്രമെന്നും അവന്മൂലം സൃഷ്ടിക്കപ്പെട്ട അനേകജാതി ജീവഗണങ്ങളില് ഒന്ന് മാത്രമാണ് മനുഷ്യനെന്നും ഘോരം ഘോരം ഘോഷിക്കുകയും ചെയ്തുകൊണ്ട് മനുഷ്യന് ആയുധമണിഞ്ഞു സ്വസഹോദരങ്ങളെ കൊന്നൊടുക്കുന്നു.ഇത് ഏതു സ്രഷ്ടാവിന്റെ ആജ്ഞ നിറവേറ്റുവാന് വേണ്ടിയാണ്?...ചോദ്യങ്ങള് ആര്ത്തിരമ്പുന്ന തിരമാലകള് പോലെ ഒന്നൊന്നായി സമീപിക്കുന്നു. ആധുനികതയില് ലോകം ഒരാഗോള ഗ്രാമമാവുകയും മേല്പറഞ്ഞ അതിര്വരമ്പുകളില്ലാതെ ആശയവിനിമയം സാധ്യമാവുകയും ചെയ്തിട്ടും മനുഷ്യര് പരസ്പരം സ്നേഹസാമ്രാജ്യങ്ങള് തീര്ക്കാതെ പൊരുതിക്കൊണ്ടെയിരിക്കുന്നു.ഇന്റര്നെറ്റ് നമ്മുടെ മുന്നില് തുറന്നു തന്നിരിക്കുന്നത് അറിവിനായുള്ള അന...
എന്റെ ആത്മം
മനുഷ്യാവകാശം:--ഒരു കൂട്ടം നരാധമാന്മാര്ക്ക് പിച്ചി ചീന്തുവാനും മറ്റൊരു കൂട്ടര്ക്ക് ഇവരെ സംരക്ഷിക്കുവാനും ഉള്ള അലംഘനീയമായ തിട്ടൂരം.ഇരകള് ആകുന്നു കുറ്റവാളികള്.
എന്റെ ആത്മം
പ്രണയം:-പറയാതെ അറിയുവാന് സാധിക്കുന്ന പ്രപഞ്ചത്തിന്റെ ഭാഷയാണ് പ്രണയം.അനാദികാലം മുതല്ക്ക് രൂപപ്പെട്ടത്.ചിലതര് അറിയുന്നില്ല..ചിലരത് അറിഞ്ഞതായി നടിക്കുന്നു.അറിഞ്ഞവരില് ചിലരത് മൂടി വെക്കുന്നു.ചിലരത് തട്ടി തെറിപ്പിക്കുന്നു..തച്ചുടക്കുന്നു.
എന്റെ ആത്മം
സൌന്ദര്യം ബാഹ്യമായ സൌന്ദര്യത്തില് അഹങ്കരിക്കാതിരിക്കുക അത് ക്ഷണികമാണ്.അറിവാണ് ഏറ്റവും വലിയ സൌന്ദര്യം .ഒരിക്കലും അത് നശിക്കുന്നില്ലെന്ന് മാത്രമല്ല നിങ്ങളില് നിന്നും അത് മറ്റൊരാളിലേക്ക് അല്ലെങ്കില് അനേകം ആളുകളിലേക്ക് പകര്ത്തപ്പെടുകയും ചെയ്യുന്നു.
വാഴപ്പഴവും സൌദിയും ഞാനും പിന്നെ അണ്ണാറക്കണ്ണനും
അഞ്ചു വര്ഷം മുന്പ് സൗദിയിലേക്ക് വരുമ്പോള് ചിത്രകല എനിക്ക് അത്ര വഴങ്ങുന്ന ഒരു കാര്യം ആയിരുന്നില്ല.കാരണം ബോര്ഡുകളോ ചുമരുകളോ എഴുതുവാന് ലഭിച്ചാല് അതില് ചിത്രങ്ങള് ഉണ്ടാവില്ല.പിന്നെ ഉള്ളത് ഞാന് സ്ഥിരമായി ജോലിചെയ്തിരുന്ന വളം കമ്പനിക്ക് വേണ്ടി എഴുതുവാന് ഓരോ മേഖലയില് എത്തുമ്പോള് വരക്കുവാനുണ്ടായിരുന്ന തേങ്ങയും അടക്കയും വാഴയും റബ്ബറും ഒക്കെ ആയിരുന്നു.സത്യം പറഞ്ഞാല് എന്റെ ചിത്രപുസ്തകത്തില് ഈ ചിത്രങ്ങള് മാത്രമേ ഉണ്ടായിരുന്നുള്ളൂ എന്ന് സാരം. സൗദിയിലെ സ്ഥാപനത്തില് ഞാന് ചേര ്ന്ന് രണ്ടാം ദിവസം തന്നെ ബോസ് എന്നെ വിളിപ്പിച്ചു ഔപചാരികമായ പരിചയപ്പെടലുകള്ക്ക് ശേഷം ഒരു ചുവരേല് ഒരു ചിത്രം വരക്കാന് പറഞ്ഞു.ഞാനൊന്ന് പരുങ്ങി.''വരക്കാനുള്ള ചിത്രം?!!!''.എന്റെ മനസ്സു ബോസ് വായിച്ചു..''സ്വന്തമായി വരയ്ക്കു.അതിനു ശേഷം വരക്കാനുള ചിത്രങ്ങള് തരാം'' ചായങ്ങളും ബ്രഷുകളും എത്തി ..മനസ്സില് ചിത്രങ്ങള് മാത്രം എത്തിയില്ല.ഒരു സഹായത്തിനു പിടിച്ചു വലിക്കാന് എനിക്കൊരു ഊശാന് താടി പോലും ഇല്ല.നിസ്സഹായതയോടെ ഇരിക്കുമ്പോള് മനസ്സില് ഒരു വാഴ കിളിര്ത്തു..അതില് ഒരു കുല ...
എന്റെ ആത്മം
മുറിവുകള്:- കൊച്ചു കൊച്ചു അസ്വാരസ്യങ്ങള്ക്ക് അമിത പ്രാധാന്യം കൊടുക്കാതെ അതിനെ ഹാസ്യരൂപേണ സമീപിക്കുകയും വിയോജിപ്പുകള് ആരോഗ്യപരമായി ചര്ച്ച ചെയ്തു പരസ്പരം മനസ്സിലാക്കപ്പെടുകയും ചെയ്യുമ്പോള് സൌഹൃദങ്ങള്ക്ക് ഉലച്ചില് സംഭവിക്കുകയില്ല.മറിച്ചു സംഭവിച്ചാല് അത് വ്യക്തി ബന്ധങ്ങളില് ആഴത്തിലുള്ള മുറിവുകള് സൃഷ്ടിക്കും
എന്റെ ആത്മം
കഴിവും പ്രാവീണ്യവും:- ഓരോ വ്യക്തിയിലും അന്തര്ലീനമായി കിടക്കുന്ന ചില കഴിവുകള് ഉണ്ടായിരിക്കും.അത് കണ്ടെത്തി പരിപോഷിപ്പിക്കുമ്പോള് ആണ് അവനു അതില് പ്രാവീണ്യം സിദ്ധിക്കുന്നത്.എല്ലാവരിലും ഈ കഴിവുകള് ദൃശ്യമാകണം എന്നില്ല.എന്നാല് അനുകൂല സാഹചര്യങ്ങള് ലഭിക്കുമ്പോള് ഇത് പുറത്തു വരുന്നു.വിത്തുകള് മുളക്കുന്നത് പോലെ
കൃതജ്ഞത
ഓയില് പെയിന്റും ഇനാമല് പെയിന്റും പെന്സിലും അത്യാവശ്യം വഴങ്ങുമെങ്കിലും ജലച്ചായം എനിക്ക് വളരെ അധികം ഭയമുള്ള ഒരു മേഖല ആയി തുടരുമ്പോഴാണ്.സദു അലിയൂരിനെ മുഖപുസ്തകത്തിലൂടെ പരിചയപ്പെടുന്നത്.തുടര്ന്ന് പ്രകാശന് പുത്തൂരും സന്തോഷ് പള്ളിക്കരയും ജലചായത്തിന്റെ മായിക വലയത്തിലേക്ക് എന്നെ അടുപ്പിച്ചു .ഒരിക്കല് എന്റെ ആശങ്കകള് തുറന്നു പറഞ്ഞപ്പോള് സന്തോഷ് എനിക്ക് ധൈര്യം പകര്ന്നു തന്നു.അങ്ങിനെ ഗൂഗിള് ചിത്രങ്ങളില് നിന്ന് നോക്കി വരച്ച എന്റെ ആദ്യത്തെ ജലച്ചായ രചന ആണിത്..ഈ ചിത്രത്തിന്റെ സ്രഷ്ടാവ് ആരെന്നു എനിക്കറിയില്ല..എങ്കിലും എന്നാല് കഴിയും വിധം ഇത് ഞാന് വരച്ചു തീര്ത്തു എന്നെനിക്കു തോന്നുന്നു . എനിക്ക് വഴികാട്ടികള് ആകുന്ന ഓരോ കലാകാരനും എന്റെ നന്ദി.
എന്റെ ആത്മം
ഉപദേശം:-ഏതെങ്കിലും ഒരു പ്രത്യേക സമയത്തൊ, സന്നിഗ്ദ്ധഘട്ടങ്ങളിലോ ഒരുവന് ഭയമില്ലാതെ മുന്നോട്ടു പോകുവാന് മറ്റൊരാള് കൊടുക്കുന്ന ആത്മധൈര്യമോ ,മാര്ഗ്ഗനിര്ദ്ദേശങ്ങമോ ഉപദേശം.അതൊരിക്കലും അവന്റെ വാഗ്വിലാസം അല്ല.
എന്റെ ആത്മം
ഇഷ്ടം :- വര പഠിച്ചൊരു ചിത്രകാരന് ആകുവാനല്ല വര പഠിക്കുന്നൊരു ചിത്രകലാ വിദ്യാര്ത്ഥി ആകുവാനാണ് എനിക്കേറെ ഇഷ്ടം.