നിലാവ്

സഞ്ചാരം:- നമുക്ക് രണ്ടു വിധത്തില്‍ സഞ്ചരിക്കാം .ഒന്ന് കാലത്തിനു മുന്നിലേക്കും രണ്ടാമതായി കാലത്തിനു പിറകിലെക്കും.ആദ്യ മാര്‍ഗത്തിലൂടെ സഞ്ചരിച്ചവര്‍ കാലത്തെ അതി ജീവിച്ചു മഹത്തുക്കളായി വാഴ്ത്തപ്പെടുന്നു.രണ്ടാമത്തെ മാര്‍ഗ്ഗത്തിലൂടെ സഞ്ചരിക്കുന്നവര്‍ വിസ്മൃതിയിലേക്കും.നിര്‍ഭാഗ്യവശാല്‍ നാം പലരും രണ്ടാമത്തെ മാര്‍ഗ്ഗത്തിലൂടെ ആണ് സഞ്ചരിച്ചുകൊണ്ടിരിക്കുന്നത്.

പ്രശസ്തി:-പ്രശസ്തി രണ്ടു വിധത്തിലുണ്ട്.ഒന്ന് നേരായ മാര്‍ഗ്ഗത്തിലൂടെ നേടുന്നതും രണ്ടാമത്തേത് വളഞ്ഞ വഴിയിലൂടെ നേടുന്നതും.പെട്ടെന്നുള്ള തിളക്കം ആഗ്രഹിക്കുന്നവര്‍ രണ്ടാമത്തെ മാര്‍ഗ്ഗം സ്വീകരിക്കുന്നു.അല്ലാത്തവര്‍ കഠിനാധ്വാനത്തിലൂടെ അത് നേടിയെടുക്കുന്നു.അവര്‍ കാലത്തെ അതിജീവിക്കുന്നു.

എന്റെ പരാജയം:- ഏതെങ്കിലും ഒരു കാര്യം മുന്നില്‍ പെട്ടാല്‍ അതവഗണിച്ചു പോകുവാന്‍ കഴിയുന്നില്ല എന്നതാണ് എന്റെ പരാജയം.

ആയുധം:-നേരിട്ട പരാജയങ്ങളും തിരിച്ചടികളും ആയിരിക്കണം പുതിയ പ്രതിസന്ധികളെ നേരിടാന്‍ നമുക്കുള്ള ആയുധം.